TOLOSALDEAko albisteak

Geure ikasleek emaitza bikainak Euskoskills 2012an

2012.05.14

Emaitza bikainak, geure ikasleek lortu dituztenak Irungo Ficoba azokan pasa den astean burutu den Euskoskills 2012 lehiaketan.

Iturgintza eta berokuntza sailean Antton Urkiola lehen postuan geratu da eta Iñigo Ruiz bigarrena.

Hozkuntzan Jon Zabaleta lehena izan da.

Eta azkenik CNC fresaketan Gaizka jauregi bigarren postuan geratu da.

Zorionak parte hartu duzuen guztioi.

Geure ikasleak Euskoskills 2012n

2012.05.09

Gaur hasiko da, Irungo Ficoba azoka-esparruan, 2012ko Euskoskills lehiaketa. Bertan lanbide heziketako ikastetxeek hartzen dute parte; maiatzaren 12an amaituko delarik.

Geure ikasleak bi Skills zerrendetan hartuko dute parte, alde batetik fabrikazioaren teknologian (CNC fresaketa) eta bestetik Eraikuntza eta instalazioetan (Hozkuntza eta Iturgintza eta berokuntzan).

Hemendik zorte ona opa diegu

Soldaduraren artea

2010.04.26

Ikastetxeko, soldadurako ikasle eta irakasleen artean, bideoan ikus dezakezuen eskultura egin dute Tknikarako.

Hauek bai artixtak!

Geure ikasleak, enpresetan praktika egiten hasi dira

2012.03.23

Urtero bezala geure ikastetxeko 2. kurtsoko 140 ikasle enpresetan Lantokiko Prestakuntza 3 hilabetez egitera joan dira. Hauetatik, 117 ikasle, eskualdeko eta inguruko 70 enpresetan arituko dira.

Beste 23 ikasleak, prestakuntza berdina egitera, Europa aldeko lurraldeetara joan dira Erasmus bekei esker (11 Poloniara, 7 Erresuma Batura eta 5 Italiara).

Ekainaren lehenengo astean bukatuko dute bere atzerriko egonaldia.

Odol ematea gure ikastetxean

2012.03.12

Urtero bezala, Gipuzkoako odol emaileen elkartearen daiari erantzunez, TOLOSALDEA Lanbide Heziketa Institutuan, otsailean odol emanaldia egin zen.

Ikasleak, irakasleak eta langile ez-irakasleak eman zuten, borondatez, danera 55 pertsona izanik, hauetako batzuk lehen aldiz.

Ekintzaren helburua, gazteengana hurbildu, ematea erraztu eta odol ematearen garrantzia azaldu eta ekintza ezagutu, horrela gazteen emaile kopurua gehitzea da.

Ingelera indartzen ari gara gure teknikarien ikasketetan

2012.02.27

Gaur egun Ingelerak industria mailan eta arlo guztietan duen garrantziaz jabe izanik, ikastetxean 3. hizhuntza (Ingelera) ren erabilera bultzatzen dugu eta hori lortzeko, ondorengo lau ekintza hauek egiten dira:

-Zenbait Hezkuntza Zikloetan Modulo bat , Ingeleraz jasotzen dute ikasleak. 2011-2012an Mekanika eta Informatikan.(Irakasleak horretarako preparatuak ditugu)

-Ingelera Tknikoko klaseetan, Moduloko irakaslearen aparte, Ingelerazko Elkarrizketa Laguntzaile natibo bat dugu, ikasleen ingelerazko mintzamena lantzeko.

-Astero sei ordu, arratsaldez, Ingelerazko mintzamena indartu nahi duten 2. kurtsoetako ikasleei 120 orduko ikastaroa dohan eskeintzen zaie.(Kanpoko enpresa batek ematen du)

-Atzerriko enpresetan 3 hilabeteko praktikak eskeintzen zaizkie. Bekak (Erasmus-LdV)

Ikastetxeko irakasleak Alemanian

2012.02.13

Ekintza Tknikatik antolatu zen, VETPRO deialdiaren barnean. Mugikortasun proiektu bat izanik, lanbide heziketako 5 irakasle (Tknika-ko bi dinamizatzaile eta ikastetxeetako hiru irakasle) Alemaniako Renania-Palatinado eta Baden-Wurttemberg erregioetan izan ginen azaroan.

Aste beteko iraupena izan duen egonaldiaren bisita eta kontakuen agenda, soldadura eta energia berriztagarrien ingurukoa izan da.

Bisitaldiak lanbide heziketako ikastetxe, ikerkuntza zentro eta enpresetara egin dira. Guzti horietan ezagutu ahal izan ditugu lehen eskutik, beraien ezaugarri, joera eta lan ildoak. Egin ditugun ekintzen artean aipatzekoak dira ondokoak:

• Lanbide heziketako bi ikastetxeetan izandako bilerak eta beraien ikastetxe-lantegi metodo dualari buruzko azalpenak.

• Mannheimeko EVO-Busen instalazioetara egindako bisitaldia, autobusaren osoko fabrikazioan dituzten sekzio desberdinekin (egitura autoportantea, tratamenduak, motorrak, muntaia…).

• Mannheimeko SLV Soldadura zentroa eta bere osoko instalazio, proiektu eta zerbitzuen ildoak ezagutzeko aukera.

• Energia aurrezteko modu gisa eguzkiaren beroaz baliatzea, isolatzean eta aireztapenaren trataera egokietan oinarritzen den Passive House estandarraren inguruan Mannheimeko ingenieritza eta arkitektura estudio batekin izandako bilera.

• Friburgo hiriko bisitaldian ezagututako energia aprobetxatzearekin eta kogenerazioarekin zerikusia duten aspektu desberdinak.

Laburbilduz, bidaiak, soldadura eta energia berriztagarriekin erlazionatuta dauden errealitate desberdinak ezagutu, etorkizunean aurrera eraman daitezkeen ekintzetarako kontaktuak egin eta azkenik Tknika eta lanbide heziketaren sistema osoa ezagutarazteko balio izan du.

Goi mailako ikasleak ingeleraz

2012.02.06

Aurten hasi gara informatika eta mekanika zikloetako ikasleekin zenbait ikasgai ingelesez eskaintzen. Esperientzia honen bitartez, Tolosaldea Ikastetxeko gure ikasleek dagozkien arloko gaiak ikasteaz gain, eleaniztasunean pausu bat gehiago ematen ari dira, gaiei buruzko oinarrizko gaitasunak ingelesez ikasiz.

Bertan dauden ikasleak oso gustura ari dira lanean eta irakasleek ere esperientzia berri hau arrakastatsutzat jotzen dute.

Eskozian IKTei buruzko praktika onak partekatzen

2012.01.23

Pasa den abenduaren hasieran eta ikastetxearen heldutasun teknologiaren eredua proiektuaren barnean, Eskoziara bidaiatu genuen Tolosaldea Goimailako LH Institutuko, Tknikako eta Lasarteko Berritzeguneko kideok, bertako hainbat ikastetxeetako esperientziak eta geureak partekatzeko.

Edinburgh eta Glasgowko hainbat ikastetxe eta unibertsitatera egin genituen bisitetan elearning hezkuntza, IKTen erabilpena gelan eta ikastetxearen heldutasun teknologiaren ereduari buruz hausnartzeko aukera izan genuen.

Informazioaren segurtasuna

2012.01.09

Geure ikastetxeak zeure esku jartzen du Informazioaren segurtasunari buruzko ikastaroa. Tutoretzarik gabeko ikastaroa da eta norberak bere burua formatzeko balio du. Beraz aprobetxa ezazu aukera eta has zaitez ikasten.